انغام: لما بكتئب بدور على ربنا جوايا.. وكنت صاحبة شيرين عبد الوهاب وفاجأة بقيت معرفهاش - شبكة أطلس سبورت

تحدثت الفنانة انغام عن إمكانية ارتباطها مرة أخرى ودخولها في حالة عاطفية بعد طلاقها من زوجها، فضلا عن الاشياء التي تقوم بها للخروج من حالة الاكتئاب التي تمر بها، فضلا عن توجيه عدد من الرسائل لوالدها والمطربة شيرين عبد الوهاب، وذلك من خلال لقاءها مع الإعلامية لميس الحديدي في برنامج كلمة أخيرة المذاع على قناة أون.

انغام عن إمكانية ارتباطها: مش هحط ولادي في الحتة دي 

قالت انغام خلال لقاءها مع لميس الحديدي الذي رصده موقع تحيا مصر، متحدثة عن إمكانية دخولها في علاقة عاطفية مرة أخرى: عندي أولويات ومش هحط ولادي في الحتة دي لأنهم ميتحطوش في مقارنة مع أي حد وبقيت أغلى عند نفسي بكتير أوي اني اضيع وقتي ومشاعري في حتة متتقدرش.

وعن انفصال والدها ووالدتها، قالت أنغام: أنا بعيش قصتهم اللي مليش ذنب فيها ومتمناش أولادي يكون أذاهم أي حاجة، وطول الوقت انا باخد رأيهم في علاقاتي وكل حاجة.

انغام: لما بكتئب بدور على ربنا جوايا 

وكشفت انغام عن الاشياء التي تفعلها للخروج من الاكتئاب، قائلة: لما بكتئب بدور على ربنا جوايا وبسأل نفسي امتى ربنا سابك وأما لاقي نفسي عمري ما غرقت ببقى كويسة، وبخاف من الموت والمرض وعاملة حساب العمر وبحاول أحترمه.

وتحدثت انغام في نهاية الحلقة عن علاقتها بوالدها موجهة رسالة له: علاقتي بأبويا تتكتب وتتدرس وتحلل من أطباء نفسيين كنت في حياة أبويا أداة لتحقيق طموحه هو وأنا كنت عايزة في وقتها بابا مش عايزة طموحه ودلوقتي أصبح بابا اللي أنا كنت بفتقده زمان هو مفصلش بين الأب والراجل وصاحب الحلم وأنا اتصدمت في ده أما كنت طفلة وبقوله ربنا يديك الصحة ووجوده في الدنيا شيء مهم جدا.

أنغام توجه رسالة مؤثرة للمطربة شيرين عبد الوهاب 

كما وجهت أنغام رسالة مؤثرة للمطربة شيرين عبد الوهاب، قائلة: معنديش حاجة معينة أقولها لأني مش عارفة هتتفهم ازاي.. إحنا كنا بناكل عيش وملح مع بعض وصحاب وفجأة بقيت معرفهاش أنا بتمنلها مستقبل أحسن وربنا يعينها على اللي مرت وبتمر بيه.