حرص عدد كبير من نجوم الفن والمشاهير، التعليق على واقعة طالبة مدرسة التجمع التي قامت طالبة بالتعدي عليها بالضرب المبرح حتى كسرت لها أنفها في وسط تفاعل الطلاب مع الحادث من خلال التصوير وتشجيع الطالبة التي تقوم بضربها، وغياب تام من المسؤولين في المدرسة.

أيتن عامر تعلق على واقعة طالبة مدرسة التجمع 

وكانت الفنانة أيتن عامر من أوائل النجوم الذين علقوا على طالبة مدرسة التجمع، حيث قالت في فيديو عبر حسابها الرسمي بموقع التواصل الاجتماعي فيسبوك ورصده موقع تحيا مصر: اتضايقت من فيديو خناقة البنات في مدرسة بيقولوا إنها من المدارس المهمة، بسبب أن زمايل البنت واقفين في المدرسة فتحين تلفوناتهم وبيصوروا والبنت واقعة على الأرض ومناخيرها مكسورة وبتنزف، أنا عندي حالة صدمة، فجأة تخيلت حد من ولادي في موقف زي ده، أقول لولادي لو شوفتوا موقف زي ده قدامكم تتدخلوا ولا لأ، هو إيه اللي بيحصل.. أنا مش قادرة أفهم إيه اللي بيحصل.. إحنا ليه وصلنا للدرجة دي.

رامي رضوان عن واقعة طالبة مدرسة التجمع: مشهد مرعب ربنا يسترها عليهم

أما عن الاعلامي رامي رضوان، كتب: مشهد مرعب، معقول مافيش ولا رجل في الشباب دي كلها يدخل يفض؟ معقول مفيش واحد أبوه علمه الرجولة فيتحرك ويبعد دي عن دي؟ مافيش واحد أهله أسسوه وربوه صح ينادي حتى المشرفين ولا المدرسين؟ معقول الشباب دول آخرهم يعملوا دايرة ويتفرجوا ويصوروا بنتين بيضربوا بعض؟.

وأضاف: الصورة دي في منتهى الخطورة، لا فيها الانثى اللي كلها رقة وحنية وانوثة وجمال في الخُلُق والطلة، ولا فيه الراجل اللي مايسمحش بالعيبة واللي في أي خناقة يفض ويسد حتى لو مايعرفش اللي بيتخانقوا، ما بالك لو زمايله، زمان كانت الصور دي موجوده بشكل تاني.. كانوا الرجاله اللي أحيانا بيتخانقوا ويعجنوا بعض.. والحريم هي اللي كانت بتقف تتفرج.. مش العكس!! حقيقي مشهد مرعب!! ربنا يستر عليهم ومنهم.

نورهان شعيب تعلق على واقعة طالبة مدرسة التجمع: لو بيمارسوا الفن مكنش هيحصل كده 

وقالت نورهان شعيب في منشور عبر حسابها الرسمي بموقع تبادل الصور والفيديوهات انستجرام: لو الولاد دي كانت بتمارس الفن مكنش هيحصل كده.. لأن اللي بيمارسوا الفن سواء غناء أو تمثيل أو رسم ده بيخليهم عندهم تصالح نفسي مع الآخرين وضبط ردود أفعالهم من غير تجاوز.