تحدثت المطربة أنغام عن لقب صوت مصر والذي أحدث جدلا كبيرا على مواقع التواصل الاجتماعي المختلفة خاصة في الفترة الأخيرة، وبدأت المقارنة بينها وبين الفنانة شيرين عبد الوهاب والفنانة آمال ماهر وغيرهم.

أنغام ترد على جدل صوت مصر

وقالت أنغام في خلال لقاءها مع الإعلامية لميس الحديدي في برنامج كلمة أخيرة ورصده موقع تحيا مصر: اتضايقت من تناول موضوع لقب صوت مصر بطريقة غير مؤدبة، انا فنانة مصرية وصوت مصري فمن حقي يتقال عليا صوت مصر، واي فنانة مصرية ممكن يتقال عليها كدة.

وتابعت أنغام حديثها قائلة: لقب صوت مصر بيندهولي بيه من زمان انا ماليش دخل في اللقب ومسمتش نفسي بيه، كانوا بيكتبوني على غلاف المجالات باللقب ده وكمان والدي أما قدمني قال بحضر لصوت مصر المستقبل والحاجة الوحيدة اللي استخدمت فيها الاسم هي إني عملت شركة باسم صوت مصر لكن مش من حقي أحتكر الاسم.

أنغام: أنا منبهرة بويجز 

وتحدثت أنغام في نفس اللقاء عن مطرب المهرجانات الشعبية ويجز وتقديم دويتو غنائي معا على المسرح، فقالت: ويجز كمشورع رابر فنان مصري بيقدم حاجات حلوة جدا وأنا منبهرة بيه وكنت حابة أقدم معاه حاجة ممتعة للناس والمزيكا بتقبل كل حاجة، وقدمنا اغنية جميلة.

وتابعت: ومن حسن حظي إني على المسرح بكون شغالة مع صحابي من زمان وهاني فرحات أنا وصلت معاه اني مش ببصله واحنا بنشتغل من كتر ما احنا فاهمين بعض لأننا مع بعض من سنين كتير جدا، وكمان الناس اللي بتظهر معايا في حفلاتي على المسرح هما هما اللي بقدم معاهم أغنياتي وبسجلها معاهم.

أنغام تكشف طقوسها قبل الصعود على المسرح 

وكشفت أنغام عن طقوسها قبل الصعود على المسرح، قائلة: قبل الغناء مش باكل وبتمرن شوية وبسخن صوتي، ممكن اغضب على المسرح لو حصل حاجة في الصوت او كدة بس مؤخرا بقى عندي ثبات نفسي.

وكانت قد تحدثت أنغام عن تربيتها لأبناءها مع انشغالها في الفن، قالت أنغام: إن امي عايشة معايا ده شال مني مسؤولية كبيرة جدا وده من حظي وكرم ربنا عليا، وأوقات كنت بحس إني مقصرة معاهم خاصة في الفترة اللي كان عندي فيها مسرح لمدة 4 سنين فكان عمر ابني بيكبر وبيتغير عليا والفترة دي كانت قاسية عليا جدا.